22.11.2021
Ս․թ․ նոյեմբերի 18-ին Եվրոպական հանձնաժողովի և Հայաստանի միջև ստորագրվել է Հորիզոն Եվրոպա Ասոցացման համաձայնագիրը, որի շնորհիվ Հայաստանն արդեն ԵՄ «Հորիզոն Եվրոպա» ծրագրի ասոցացված անդամ է: Այժմ բոլոր հայկական հետազոտական կազմակերպությունները կարող են մասնակցել «Հորիզոն Եվրոպա» ծրագրի գրեթե բոլոր առաջարկներին և հանդես գալ որպես համակարգող։
Ասոցացման համաձայնագրի ստորագրումից հետո Գիտական և ինովացիոն գործընկերության աջակցության կենտրոնը (SIPAC) և ՀՀ Գիտությունների Ազգային ակադեմիան, Գիտության կոմիտեի և Եվրոպական հանձնաժողովի հետ համատեղ, կազմակերպել են EU Horizon Europe և EURAXESS Armenian Portal-ի բացման միջոցառումը:
«Այս համաձայնագրի շնորհիվ հայ գիտնակաները հնարավորություն են ստանում ստեղծել նոր միջազգային կապեր և բարձրացնել հայկական գիտական արդյունաբերությունը»,- նշել է ԵՄ-ն՝ բիզնեսի համար նախաձեռնության «Նորարարական տուրիզմի և տեխնոլոգիաների զարգացումը Հայաստանում» ծրագրի խորհրդատու Դավիթ Քարտաշյանն իր ելույթի ժամանակ։
Համաձայնագրի շրջանակներում CIVITTA խորհրդատվական ընկերության և SIPAC հիմնադրամի հետ միասին ԵՄ-ն՝ բիզնեսի համար նախաձեռնության «Նորարարական տուրիզմի և տեխնոլոգիաների զարգացումը Հայաստանում» ծրագիրն ընտրել է Հորիզոն Եվրոպայի 5 դիմորդ, որոնք ստանում են անհատական աջակցություն միջազգային փորձագետներից: Ընտրված դիմորդներն են՝
Աջակցությունը բաղկացած է երկշաբաթյա խորհրդատվական նիստերից՝ նոյեմբերի սկզբից մինչև այս տարվա վերջ՝ «Հորիզոն Եվրոպա»-ի համար ներկայացվելիք առաջարկների պատրաստման, ինչպես նաև տվյալ թեմայի վերաբերյալ նոր փորձ և գիտելիքներ ձեռք բերելու համար: